Sunday, April 1, 2018

WANAHARAKATI WAJUMUKA.



Wa kwanza kulia ni Mkurugenzi mtendaji wa Taasisi isiyo ya kiserikali Kivulini Hassan Ally akielezea juu ya mradi wa we can ambao unalenga kuondoa changamoto ya unyanyasaji wa kijinsia .

Mtaalamu wa mitandao ya kijamii kutoka Shirika la Oxfam Bill Marwa akisisitiza akielezea ushiriki wa jamii kwenye mradi wa wanawake tunaweza unaosimamiwa na Taasisi ya Kivulini iliyopo Jijini Mwanza

Mkurungezi wa KONCEPT Krantz Mwantepele akiomba ufafanuzi wa jambo wa maofisa wa kivulini mara baada ya kupata maelezo kuhusu ukatili wa kijinsia katika mikoa ya kanda ya ziwa

Baadhi ya Waandishi wa habari za mtandaoni wakielezewa juu ya Mradi wa Tunaweza katika Taasisi ya Kivulini iliyopo Jijini Mwanza


Taasisi isiyo ya kiserikali ya Kivulini yenye makao makuu jijini mwanza inashughulika na utetezi wa haki za wanawake  kwa kushirikiana na shirika la kimataifa la Oxfam wametoa majumuisho ya mradi wao unaitwa wanawake Tunaweza  mradi ambao  umeanzishwa mahususi kwaajili ya kuhamashisha jamii kushiriki kulinda haki za wanawake dhidi ya ukatili wa kijinsia 

Akizungumzia mradi huo Mkurugenzi mtendaji wa Kivulini Yassin Ally amesema kuwa mradi huo ulianza mwaka 2011  unalenga kuhusisha wanajamii katika kutatua kero zao haswahaswa katika maeneo ya kupinga ukatili wa kijinsia 

Amesema mkoa wa Mara unaongoza kwa asilimia 80% katika  ukatili wa kijinsia  ambao ni kati ya ndoa 10 ndoa 8 zimeshawahi kuwa na viyendo vya ukatili .

Aidha Mkurugenzi ameainisha sababu mbalimbali zinazochangia ukatili wa kijinsia kama 
mila na desturi, Hali duni ya kiuchumi , kutokuwa na elimu ya kutosha juu ya swala la ukatili  na  mwamko mdogo wa jamii juu ya ukatili wa kijinsia na hii imepelekea katika baadhi ya jamii 
watoto wa kike kuolewa wakiwa wadogo na imechangia kuwaathiri  kifikra kabla ya  kupevuka,

"Wakazi wengi wanategema kilimo kama sehemu ya  kiuchumi na kuinua kipato chao, imebainika kwenye famila nyingi wanaume ndio wamiliki wa nyenzo za uzakishaji kama mashamba nk, hii imechangia sana wakati wa kuvuna wanaume kuwa na sauti juu ya mavuno imeelezwa kuwa wanaume huuza  mazao yote na fedha huzitumia bila kushirikisha wanawake ambao walishugulika kwa pamoja kwenye kilimo  hii imechangia sana kutokea ugomvi ndani ya familia baadhi ya maeneo ya ukanda wa Tarime mwanaume kumpiga mwanamke  kwa kudai fedha za mazao walizouza 

Shirika la Kivulini wametoa mafunzo kwa kwa wanamabadiliko wapatao  150,000 kwa ukanda wa ziwa kwa kuwapa elimu juu ya ukatili ni nini na jinsi ya kuwasaidia wote wanaopata changamoto ya kubaguliwa na kufanyiwa ukatili wa kijinsia pia kundi maalumu  ambalo ni wazee wa kimika ambao wana ushawishi kwenye jamii ili   kuwabadilisha kuhusu juu ya dhana nzima ya ukatili wa kijinsia ,Wakaongea na familia moja moja kwa kuwapa elimu kuhusiana na ukatili wa  kijinsia 

Aidha shirika la kivulini Iimetoa wito juu ya unyanyasaji wakijinsia kuwa upo ,kwa wengine unyanyasaji unaanza ngazi ya kifamilia ,mfano mzazi mmoja kumkashifu mzazi mwenzie mbele ya watoto na kuwaathiri kisaikolojia,

Familia nyingi  zinaaswa zitumie njia ya mazungumzo ili kuifanya jamii iwe na Amani na kujiepusha ukatili wa kijinsia

Changamoto iliyopo katika jamii zetu ni kwamba, watu wanafanyiwa ukatili wa kijinsia majumbani mwao, lakini wanaficha.
Wanakaa kimya badala ya kwenda kuripoti polisi, ili vitendo hivyo visiendelee kutokea.

Friday, February 16, 2018

UDART YAINGIZA NCHINI MABASI MAPYA 70 KUONGEZA NGUVU YA USAFIRISHAJI ABIRIA JIJINI DAR ES SALAAM

 Maofisa wa Mamlaka ya Bandari Tanzania (PTA) wakishuhudia wakati mabasi ya Kampuni  ya usafiri wa mabasi ya mwendo kasi jijini Dar es Salaam (UDART) yalipokuwa yakishushwa kutoka katika meli jijini Dar es Salaam leo hii asubuhi. Jumla ya mabasi 70 yalipokelewa.
 Sehemu ya kupita mabasi hayo ikiandaliwa wakati wa ushushaji wake kutoka katika meli ya Kichina.
 Moja ya mabasi hayo likitoka katika meli.
 Moja kati ya mabasi hayo likiwa limetoka katika meli.
Mkurugenzi Mtendaji wa UDART, Charles Newe, akizungumza na waandishi wa habari wakati wa kupokea mabasi hayo.

Na Dotto Mwaibale

KAMPUNI ya usafiri wa mabasi ya mwendo kasi jijini Dar es Salaam (UDART), imeingiza nchini mabasi mapya 70 kutoka China kwa ajili ya kuongeza nguvu ya usafirishaji abiria.

Akizungumza wakati wa upokeaji wa mabasi hayo Bandarini jijini Dar es Salaam leo Mkurugenzi Mtendaji wa UDART, Charles Newe alisema hiyo ni hatua nzuri kwa kampuni hiyo yenye lengo la uhakika wa kutoa huduma bora ya usafiri kwa abiria jijini.

Alisema mabasi hayo yataongeza ufanisi wa usafirishaji wa abiria hivyo kuwapunguzia adha ya usafiri wakati wa jiji la Dar es Salaam.

Alisema mabasi hayo yataongeza uchumi wa nchi na kutoa ajira kwa wananchi na kupunguza gharama ya usafiri ambapo kwa wale wenye magari wataacha kuyatumia magari yao kwenda kazini ambapo wataokoa sh.8000 katika kila sh.10000 waliyokuwa wakiitumia kwa siku kununulia mafuta.

"Wenye magari sasa hivi watakuwa wanaokoa sh.8000 kila siku ambapo watakuwa wakitumia mabasi yetu kwa sh.2000 tu kuja kazini na kurudi majumbani kwao" alisema Newe.

Alisema kiasi hicho cha fedha kitakachookolewa kitaweza kwenda kufanya shughuli zingine za maendeleo ya nchi na mtu mmoja mmoja.

Akizungumzia mabasi hayo alisema yanauwezo wa kubeba watu kuanzia 150 hadi 160 na kuwa bei ya basi moja ni limenunuliwa kwa dola za Marekani 260,000 na kuwa mabasi hayo yanafikisha idadi ya mabasi 210 huku mahitaji ya mabasi hayo ikiwa ni 305 kwa awamu ya kwanza.

Alisema changamoto kubwa iliyokuwepo ni uchache wa mabasi yaliyokuwepo ambapo watu walilazimika kupanda kwa wingi lakini kwa ongezeko la mabasi hayo itasaidia kupunguza changamoto hiyo.

Monday, February 5, 2018

BOT YAPIGA MSASA WAANDISHI.

 Naibu Gavana wa Benki Kuu ya Tanzania (BoT), Dkt. Julian Raphael Banzi, akitoa hotuba ya ufunguzi wa warsha kwa waandishi wa habafri za Uchumi, Biashara na Fedha, mkoani Mtwara leo Februari 5, 2018.


NA K-VIS BLOG/Khalfan Said, Mtwara
WAANDISHI wa Habari za uchumi na Fedha, wameaswa kutumia kalamu zao vema ili kuongeza tija katika jitihada za serikali za kujenga uchumi wa viwanda nchini ifikapo mwaka 2025, Naibu Gavana wa Benki Kuu ya Tanzania (BoT), Dkt.Julian Raphael Banzi amesema leo Februari 5, 2018 wakati akifungua semina ya waandishi wa habari za Uchumi, Biashara na Fedha kwenye ukumbi wa BoT , mkoani Mtwara.
“Waandishi mnao wajibu wa kuamsha ari ya uelewa kwa wananchi kuwaelimisha nini serikali inafanya kwa ajili ya nini na kwa utaratibu upi.” Alisema Dkt. Banzi na kuwaasa badala ya waandishi kutumia muda mwingi kuandika maswala ambayo hayasaidii sana katika kusaidia ujenzi wa uchumi, ni vema sasa wakaangazia katika kuelimisha umma juu ya jitihada za serikali wakati huu ambapo kuna utekelezaji wa miradi mbali mbali ya kiuchumi kama vile jenzi wa reli ya kisasa, (SGR).
Naibu Gavana pia amewataka waandisjhi wa habari kuwafichua wale wanaokatisha tama au kukwamisha uwekezaji nchini kwani kwa kutofanya hivyo waandishi wa habari watakuwa hawawatendei haki wananchi na umma kwa ujumla.
Alisema kuwa BoT inaposema pato la taifa limeongezeka, haimaanishi kwamba wananchi wanajazwa pesa mfukoni lakini pia mwananchi inabidi ajiulize yeye mwenyewe anashiriki vipi katika ujenzi wa uchumi ili kuweza kufaidika na pato lenyewe.
“Kwa msingi huo elimu mtakayopata hapa katika kipindi cha siku tano, itawaongezea uwezo wa kufanya uchambuzi wa kina mnapoandika makala ze uchumi, biashara na fedha ili ziweze kuufikia umma kwa usahihi na kuepuka upotoshaji.” Alisema Dkt. Banzi.
Kwa upande wake, Mkuu wa kitengo cha Uhusiano na Itifaki cha BoT, Bi. Zalia Mbeo, alisema semina hii ni ya tano ambazo BoT imekuwa ikifanya kila mwaka, ili kujenga uelewa kwa waandishi kuweza kuandika kwa usahihi shughuli za BoT.
“Tumezidi kuona mafanikio makubwa tangu tuanze kutoa semina kwa waandishi wa habari kwa waandishi wamekuwa wakijitahidi kuandika kwa usahihi taarifa za BoT.” Alisema.
Bi Mbeo pia alisema katika semina ya mwaka huu, waandishi watapata fursa ya kuelimishwa mambo mbalimbali kutoka Kurugenzi ya sera na tafiti za uchumi, kurugenzi ya masoko ya fedha, kurugenzi ya usimamizi wa ,mabenki, kurugenzi ya huduma za kibenki na kurugenzi ya mifumo ya malipo, na pia kuna ushiriki kutoka kurugenzi ya bima ya amana.
“Mwaka huu tuna kurugenzi ya Katibu wa Boadi ambayo itaelezea dawati ambalo linashughulikia matatizo ya watu wanayoyapata katika huduma mbalimbali za kibenki, na kwa kupitia waandishi wa habari, tunategemea wataelimisha umma kuhusu dawati hili.” Alisema Bi. Mbeo.


 Naibu Gavana wa Benki Kuu ya Tanzania (BoT), Dkt. Julian Raphael Banzi, akitoa hotuba ya ufunguzi wa warsha kwa waandishi wa habafri za Uchumi, Biashara na Fedha, mkoani Mtwara leo Februari 5, 2018. Wengine pichani kutoka kulia ni Mkuu wa Kitengo cha Uhusiano na Itifaki, Benki Kuu ya Tanzania, Bi. Zalia Mbeo na Mwenyekiti w aSemina, Bw. Ezekiel Kamwaga,
 Baadhi ya waandishi wakisikiliza hotuba ya mgeni rasmi.
 Baadhi ya waandishi wa habari wakifuatilia yaliyokuwa yakizungumzwa kwenye warshan hiyo
 Mkuu wa Kitengo cha Uhusiano na Itifaki, BoT, Bi. Zalia Mbeo, akielezea maudhui ya semina hiyo ambayo itafanyika kwa siku tano kuanzia leo Februari 5, 2017.
 Meneja wa tawi la Benki Kuu ya Tanzania Mkoani Mtwara, Bw.Lucas Mwimo, akitoa hotuba ya ukaribisho

 Bi.Vicky Msina, kutoka Kitengo cha Uhusiano na Itifaki BoT. akizunguzma mapema wakati wa ufunbguzi wa warsha hiyo.
  Bi.Vicky Msina, kutoka Kitengo cha Uhusiano na Itifaki BoT. akizunguzma mapema wakati wa ufunbguzi wa warsha hiyo.
 Baadhi ya washiriki

 Mwenyekiti wa Warsha hiyo, Bw. Ezekiel Kamwaga akitoa hotuba yake.


 Dkt. Banzi akipeana mikono na Mkurugenzi wa Mkurugenzi wa Uchumi BoT, Bw, Johnson Nyella

 Dkt. Banzi, (katikati), Bi Zalie, na Bw.Mwimo





  Maafisa waandamizi wa BoT.
 Mkurugenzi wa Uchumi BoT, Bw, Johnson Nyella, akitoa Mada ya Mabadiliko ya mfumo wa kuandaa sera ya fedha, ambapo pa,moja na mambo mengine alisema pato la taifa ni mjmuiko wa thamani ya vitu vyote vilivyozalishwa katika uchumi kwa kipindi husika.
Meza kuu

Thursday, November 16, 2017

PROMOSHENI YA WESTERN UNION YAFANYIKA JIJINI DAR.

Farida Kibangu akiwa amefungwa kitambaa usonii akionyesha karatasi ya mshindi wakati wa kuchezesha droo ya kwanza ya promosheni ya Western Union inayoendeshwa na benki TPB. 

Mkurugenzi waTeknohama na Uendeshaji wa Benki ya TPB, Jema Msuya, akisoma kuponi za majina ya washindi wa droo ya kwanza ya promosheni ya Western Union inayoendeshwa na benki hiyo.  Washindi watano walijishindia simu za mkononi na wawili walijishindia kompyuta mpakato. Kushoto ni Mkuu wa Kitengo cha Mahusiano wa benki hiyo, Noves Moses.



WAZIRI MKUU KASSIM MAJALIWA AKIJIBU MASWALI BUNGENI.

Waziri Mkuu, Kassim Majaliwa akijibu maswali Bungeni mjini Dodoma leo. (Picha na Ofisi ya Waziri Mkuu)


WABUNGE VINARA WA JINSIA WAPATIWA SEMINA NA WAWEZESHAJI KUTOKA TGNP MTANDAO.


Mwezeshaji kutoka TGNP Mtandao, Geofrey Chambua akizungumza na vinara wa jinsia katika mpango wa maendeleo kwa mwaka 2018/2019  na Muongozo wa Bajeti kwa Mwaka 2018/2019 ambao ni Wabunge wa Bunge la Jamhuri ya Muungano wa Tanzania katika semina iliyokuwa inahusu mpango kazi wa kurasimisha masuala ya jinsia katika bajeti ya mwaka 2018/2019 ilifanyika leo katika hoteli ya Morena Mjini Dodoma.



FUNGA MWAKA NA DStv imewadia.

Meneja Masoko wa MultiChoice Tanzania Alpha Mria akizungumza wakati wa kutangaza rasmi ofa ya Funga Mwaka na DStv ambapo wateja wapya wa DStv wataweza kujiunga kwa shilling 79,000 tu na kupata kifurushi cha mwezi mzima bure. Ofa hiyo itadumu kwa miezi miwili hadi Januari 15, 2018.

Kaimu Mkurugenzi Mtendaji wa MultiChoice Tanzania Hilda Nakajumo akimkabidhi zawadi mmoja wa washindi wa zawadi ya king’amuzi cha DStv Mohammed Sadik Sukuzi (wa pili kushoto) wakati wa hafla fupi ya kutangaza ofa maalumu ya DStv ya msimu wa sikukuu ijulikanayo kama Funga mwaka na DStv ambapo wateja wapya wa DStv wataweza kujiunga kwa shilling 79,000 tu na kupata kifurushi cha mwezi mzima bure. Ofa hiyo itadumu kwa miezi miwili hadi Januari 15, 2018

Friday, October 6, 2017

PSPF YATEMBELEA WANACHAMA WAKE.

NA K-VIS BLOG/Khalfan Said

WANACHAMA wa Mfuko wa Pensheni wa PSPF, ambao ni wastaafu, wameupongeza Mfuko huo kwa kupata pensheni za kila mwezi kwa wakati.
Wakizungumza kwa nyakati tofauti jijini Dar es Salaam, wakati wa ziara ya viongozi wa PSPF kutembelea Wanachama wake wakati wa maadhimisho ya Wiki ya Huduma Kwa Wateja Duniani, walisema kimsingi malipo ya pensheni ya kila mwezi yamekuwa yakiingia kwenye akaunti zao kwa wakati na bila usumbufu wowote.
“Mimi nashukuru penshni yangu napata bila shida, na inaingia kwenye akaunti yangu kwa wakati, hili napenda kuwapongeza sana.” Alisema Mdhibiti na Mkaguzi Mkuu wa Hesabu za Serikali (Mstaafu). Bw. Thomas Martin Kiama wakati alipotembelewa na ujumbe wa PSPF nyumbani kwake Oysterbay jana (Oktoba 6, 2017).
Najua zipo changamoto za hapa na pale, mimi ningependa muwe huru kabisa, ili muweze kutuhudumia vema sisi wanachama, vinginevyo huduma zenu nazifurahia, aliongeza Bw.Kiama, ambaye alistaafu mwaka 2005.
Kwa upende wake, Jaji Mstaafu wa Mahakama ya Rufaa, nchini, Bibi. Mary Hariet Longway, naye aliipongeza PSPF kwa utoaji wa huduma na kwamba yeye anaridhishwa na utedaji kazi wake na kuwapongeza kwa kufika nyumbani kwake ili kupata maoni yake.
“Ninashukuru sana kwa kunitembelea kwani hii ni ishara ya jinsi mnavyotujali sisi wastaafu, lakini mimi kama Jaji mstaafu kwa utaratibu ulivyokuwa, sisi hatukuwa na bima za afya sasa kama mngetoa elimu ya jinsi ya kupata bima ya afya kupitia kwenu lingekuwa jambo jema.” Alishauri Bibi Longway amabye naye alistaafu mwaka 2005.
Alsiema, malipo ya kila mwezi ya Pensheni yake yamekuwa yakiingia kwenye akaunti yake bila shida yoyote.
Naye askari wa Jeshi la Magereza (mstaafu), Bw.Kasim Salehe Mafanya, yeye naye aliipongeza PSPF, kwa huduma bora lakini akaomba utaratibu ufanyike ili pensheni hiyo iweze kuboreshwa na hivyo kuelndelea kuwa na manufaa zaidi.
Akizungumza kwa niaba ya PSPF, Meneja wa Mpango wa Uchangiaji wa Hiari, Bi. Mwanjaa Sembe, alisema, katika kuadhimisha Wiki ya Wateja Duniani, ofisi za PSPF kote nchini, zimefanya utaratibu wa kuwatembelea wanachama wake kwa lengo la kuwahakiki na kupokea maoni yao ili kuboresha utoaji wa huduma.
Aidha katika Ofisi za Makao Makuu, Wakurugenzi an Mameneja waliungana na maafusa na wafanyakazi wa Mfuko huo, katka kuwahudumia wateja waliofika makao makuu.

 Jaji Mstaafu wa Mahakama ya Rufaa nchini, Bibi Mary Logway, ambaye  ni mwanachama wa PSPF, akizungumza nyumbani kwake Upanga jijini Dar es Salaam leo Oktoba 6, 2017, wakati alipotembelewa na Meneja wa Mpango wa Uchangiaji wa Hiari wa PSPF, Bi. Mwanjaa Sembe, kushoto.
 Mkurugenzi wa Mipango na Uwekezaji wa PSPF, Bw. Gabriel Silayo, (wakwanza kushoto), akimsikilzia mteja (mwanachama) wa Mfuko, huku afisa aliye kwenye mafunzo kutoka Chuo Cha Usimamzi wa Fedha, (IFM), Bw. Paschal W. Divaz, (katikati), akifuatilia.
 Bw. Silayo akisalimiana na wateja (wanachama) waliofika makao makuu ya Mfuko kuhudumiwa.
 Mkurugenzi wa Uendeshaji wa PSPF, Bi. Neema Muro, (kulia), akimuhudumia mteja (mwanachama) aliyekifa makao Makuu kuhudumiwa.
Meneja wa Huduma kwa Wateja, PSPF, Bi. Laila Maghimbi, (kulia), na mteja wake, (mwanachama) wakifurahia jambo wakati mwanachama huyo akipatiwa huduma.
  Mkurugenzi wa Mipango na Uwekezaji wa PSPF, Bw. Gabriel Silayo, wapili kulia), akizungumza na afisa aliye mafunzoni, kutoka chuo cha Usimamizi wa Fedha, 9IFM), Bw.Paschal W. Diaz
 Afisa Uchangiaji wa Hiari PSS, Bi.Mwajuma A.Mohammed, (kushoto), akimuhudumia mteja.
Afsia Mtekelezo, (CO), wa PSPF, Bi. Mwanaisha S. Waziri akiwa kazini.
 Afisa wa PSPF aliye mafunzoni, Bw. Alpha Mkopi, (katikati), akiwahudumia wateja, waliofika ofisi za Makao Makuu kupata huduma.
Maafisa wa PSPF wakitoa huduma Oktoba 6, 2017.
Mzee Kiama, (kushoto), akipitia maelezo ya uhakiki kabla ya kuweka saini yake. aliye nae ni Meneja wa Uchangiaji wa Hiari, (PSS), Bi. Mwanjaa Sembe.
 Mzee Kiama akiweka saini kwenye fomu ya uhakiki.
Bi. Mwanjaa Sembe, (kushoto), akimpa maelezo, Jaji Mstaafu, Bi. Mary Longway, kuhusu uhakiki wa uanachama wake PSPF.
Bi. Longway akiweka saini wkenye fomu hiyo ya uhakiki.
 Mkuu wa kitengo cha Mikopo kwa Wanachama wa PSPF, Bi. Linda Bahati, akizungumza na simu ya kikazi ili kupata maeelzo ya ziada wakati akimuhudumia mteja Oktoba 6, 2017.
 Afisa Uhsuiano Mwandamizi wa PSPF, Bw. Abdul Njaidi akizungumza na Mzee Kiama.
Jaji (mstaafu) Longway na mukuu wake, wakiwa katika picha ya pamoja na wafanyaakzi wa PSPF waliomtembelea ofisini kwake Upanga jijini Dar es Salaam Oktoba 6, 2017.